fbpx
Homemade薑醋,細味媽媽愛的承傳….

Homemade薑醋,細味媽媽愛的承傳….

聞到一陣陣酸酸甜甜嘅薑醋味,就知道邊一家人生咗BB或抱孫喇!薑醋係傳統嘅食療,有祛風驅寒、進補嘅功效,畀媽媽產後可以盡快復元身體,仲包含幸福嘅滋味!

好多孕媽媽唔識煲或冇時間煲,就需要搵代煲薑醋,Biolane MaMa就係聽過坐緊月嘅媽媽介紹,再睇FB專頁認薑醋達人㗎!

閱讀全文

薑醋達人都係一位Working Mum,趁小朋友返學嘅時間,代煲薑醋做網上生意,仲特別好關心懷孕/坐月/新手媽媽,希望幫到佢哋,唔使花時間工夫都可以有Homemade薑醋食,調理番自己嘅身體,對產後媽媽亦係一份關心同支持。

薑醋達人:「喺4年前,我媽媽剛過身,一切安頓好之後,靜落嚟覺得自己多咗啲時間,考慮緊搵咩做,而咁啱我嘅朋友大肚,但唔識煲薑醋,我就話試下幫佢煲,唔知道啱唔啱口味㗎!後來我朋友食過,佢話幾好味,仲有當年佢媽媽煲嘅味道!可以試下做生意,咁我就開始試下網上賣薑醋,可以幫下其他有需要嘅媽媽啦!」

薑醋達人話煲薑醋時,都會回想起自己媽媽嘅種種,佢嘅秘訣都有好好記住:「記得媽媽喺我坐月嘅時候,曾經同我一齊煲薑醋,分享咗啲經驗畀我,佢教我刮薑皮,話薑要切細細舊,先至易入口,而一煲薑醋要煲至少3個月,好似酒咁發酵,薑愈浸得耐,會少辣味,淋啲,口感好啲,咁就更易入口啦!」薑醋達人話「薑」真係要食埋落肚,先至達致祛風驅寒嘅最佳效果,既係一煲薑醋嘅靈魂,亦係媽媽愛同關懷嘅承傳。

Homemade薑醋細細舊又夠淋,有媽媽由唔鍾意食薑,依家直情鍾意到當小食食添!

相比起坊間嘅代煲薑醋,薑醋達人仲多咗一份體貼:「有客人話媽媽迫佢食薑醋,但其實點解係迫呢?仲記得兒時我媽媽煲薑醋叫我食嘅情景『吓?唔係嘛?有益?真係要食?』媽媽當然係一片苦心,但的確唔係個個人都鍾意食薑醋,而且每個人體質唔同,順產/開刀可以開始食薑醋嘅時間都唔同,所以喺呢啲衝突位,兩代嘅溝通好緊要呀!」

薑醋達人話網上賣薑醋後,食過嘅客人好多都會推介畀朋友,對食物嘅品質都有信心,漸漸多媽媽搵佢代煲薑醋,平均一個月煲超過60斤薑!

煲薑醋多工序同花時間,仲要親自周圍去交收送貨,雖然好忙,薑醋達人卻堅持爭取時間陪小朋友。

「我2個小朋友係小學生,我好珍惜同佢哋相處嘅時間,所以會堅持每日都接送返學放學,煮早餐、對功課,所有工作包括入貨,洗、切、煮食材,同客人溝通交收送貨 ,都會喺佢哋返學、有活動嘅時間內完成!」兼顧工作同照顧小朋友,從來唔容易,原來除咗薑醋達人呢個身份,佢仲係一位愛小朋友嘅Supermom呢!

Biolane MaMa覺得透過呢一樽樽薑醋,除咗畀媽媽產後可以食好啲,盡快可以令身體復元,更有元氣湊BB之外,亦深深體會到薑醋達人嘅愛心!

Biolane MaMa 想幫各位Busy mum打打氣! 特別為大家帶嚟薑醋達人嘅Homemade薑醋8折獨家套餐優惠:*條款及細則

show less

Facebook Comments