fbpx
食薑醋 產後回復元氣!孕媽媽必定要知的6件事

食薑醋 產後回復元氣!孕媽媽必定要知的6件事

細個以為薑醋係老土嘢,而其實產後媽媽適時食薑醋係好重要嘅事!

豬腳薑有祛風驅寒、進補嘅功效,畀媽媽產後可以盡快令身體恢復元氣,但唔識煲或冇時間煲,就需要搵代煲薑醋,Biolane MaMa就係聽過坐緊月嘅媽媽推介,再透過FB專頁認識薑醋達人㗎!

閱讀全文

薑醋達人都係一位Working Mum,趁小朋友返學嘅時間,代煲薑醋喺網上售賣,仲特別關心懷孕/坐月/新手媽媽:「知道好多媽媽唔識煲薑醋,而且要養胎、湊BB好多嘢要兼顧,又好多嘢煩同憂慮;而屋企長輩上咗年紀,煲薑醋咁多工序同花時間,又可能唔想煲,咁我代煲薑醋,可以幫下人,希望減輕佢哋一啲煩惱!唔使花時間工夫都可以有Home-made薑醋食,調理番自己嘅身體!」

比起坊間嘅代煲薑醋,薑醋達人仲多咗一份體貼:「有坐緊月嘅客人話媽媽迫佢食薑醋,但其實點解係迫呢?仲記得細個時我媽媽煲薑醋叫我食嘅情景『吓?唔係嘛?有益?真係要食?』媽媽當然係一片苦心,但的確唔係個個人都鍾意食薑醋,而且每個人體質唔同,順產/開刀可以開始食薑醋嘅時間都唔同,所以喺呢啲衝突位,兩代嘅溝通好緊要呀!」

薑醋達人經常提點客人要視乎身體情況食薑醋,急住食會有反效果;而好多媽媽都抗拒食薑,只飲醋或食蛋,但薑醋達人就話薑醋嘅薑,真係要食埋落肚先至達致祛風驅寒嘅最佳效果,所以就會花心思令薑易入口啲:「仲記得媽媽喺我坐月嘅時候,曾經同我一齊煲薑醋,分享咗啲經驗畀我,佢話薑要切細細舊,先至易入口,而一煲薑醋要浸至少3個月,好似酒咁發酵,薑愈浸得耐,會少辣味,淋啲,口感好啲,咁就更易入口啦!」

Homemade薑醋細細舊又夠淋,有媽媽由唔鍾意食薑,依家直情鍾意到當小食食添!

「老實講,網上都有教學煲薑醋,如果淨食蛋同豬腳,3日內煲完都食得嘅,但你想件薑好食就一定花時間,媽媽真係要食件薑落肚,咁先有最佳功效!」薑醋達人話做薑醋從來都無捷徑,有齊時間、耐心同愛心,一煲薑醋先會好食,如果無時間、好心急去做,人會易忟憎,求其做效果就唔好,所以孕媽媽要預早要喺產前4月半月前預訂先有得食㗎!

薑醋達人另一體貼嘅地方,就係會將薑醋分好一日一包(薑、蛋、豬腳各一件份量),唔駛用瓦煲,都可以翻蒸嚟食。

「好多媽媽產後都會有陪月,可以幫自己打點一切,但我都經歷過:陪月始終都有完工嘅一日,之後就咩都要靠自己,BB餵奶、大小便換片都要記住時間,真係忙到冇時間理自己㗎!我幫大家分好一日一包,唔駛用瓦煲都可以翻熱嚟食,咁媽媽可以輕鬆啲,又補充到營養啦!」

薑醋達人話有啲Working Mum要復工,每朝翻蒸一包嚟做早餐,仲趁翻蒸時間可以爭取時間餵奶!「仲有2個問題,有啲媽媽好鍾意食薑醋,食多咗食滯咗,咁會影響正餐吸收,或者產後好難修身;而且食過薑醋都知,一大煲薑醋如果經常浸住翻煮,豬會散哂、蛋會硬哂變『鐵蛋』又唔係每個人都鍾意食。」但一日一包就無呢個問題啦!薑、蛋同豬腳件數仲可以隨意配搭,好有彈性,除咗可以更合媽媽口味或需要,屋企長輩派送畀親友亦都好方便,咁就可以避免一啲麻煩怨言啦~

煲薑醋達人仲會親自周圍去交收送貨,方便媽媽食到新鮮嘅薑醋。

薑醋達人平時接觸好多懷孕/新手坐月媽媽,仲好樂意同佢哋傾計溝通:「佢哋會有好多問題,但我一啲都唔覺得煩,坐月媽媽產後好多嘢唔識,好需要有人幫忙,我幫到佢哋之餘,仲畀啲支持佢哋!」

Biolane MaMa覺得透過呢一包包薑醋,除咗畀媽媽產後可以食好啲,盡快可以令身體復元,更有元氣湊BB之外,亦深深體會到薑醋達人嘅體貼同心思呢!

食薑醋產後回復元氣 孕媽媽必定要知的6件事:

  1. 媽媽如果唔識或冇時間煲薑醋,可以預早喺產前預訂代煲薑醋,可以減少好多煩惱。
  2. 每個媽媽體質唔同,順產/開刀可以開始食薑醋嘅時間都唔同,大家要小心注意,急住食會有反效果。
  3. 薑醋嘅薑,真係要食埋落肚先至達致祛風驅寒嘅最佳效果,淨飲醋、食蛋同豬腳係唔夠㗎!
  4. 薑醋要浸至少3個月,薑愈浸得耐,會少辣味,淋啲,口感好,更易入口。
  5. 產後媽媽就算鍾意食薑醋,都要注意食量,食多咗食滯咗,會影響正餐吸收,或者產後好難修身。
  6. 一大煲薑醋如果經常浸住翻煮,豬會散哂、蛋會硬哂變『鐵蛋』,但又唔係每個人都鍾意食,將薑醋分成一包包處理可避免呢個問題。

Biolane MaMa 想幫各位媽媽打打氣! 特別為大家帶嚟薑醋達人嘅Homemade薑醋8折獨家套餐優惠:*條款及細則

show less

Facebook Comments