初生BB外出防疫小Tips

初生BB外出防疫小Tips

呢個防疫非常時期,Biolane MaMa知道好多新手媽媽都好擔憂:初生BB抵抗力不足,但又一定要帶BB出門打針、做檢查,咁點先可以保護好自己同BB,免受感染呢?

閱讀全文

一齊睇下以下4 個初生BB外出防疫要點啦:

1.BB車雨罩擋飛沬:外出時全程將BB車雨罩蓋上,可以阻檔到透過飛沫傳播嘅病毒細菌,留意車身、雨擋使用前後都要徹底清潔,減低受感染機會。

2.戴口罩要睇實:手抱BB出入醫院要戴口罩怕會窒息,唔戴又擔心受感染。所以如果有必要短時間戴上嬰兒口罩,爸爸媽媽一定要睇到實,留意BB呼吸順暢同有無嘔吐。如發現BB有任何不適,或者瞓著覺,就應立即脫下口罩。

3.戴手套仔以免四圍摸:新型冠狀病毒會經鼻、眼、口傳入,BB外出時如會四圍亂摸,捽眼口鼻就要加倍留心,而戴手套仔可以避免BB直接觸碰外界物件。

4.帶備潔膚露/濕紙巾/番梘水:用作清潔BB雙手同需接觸嘅物品,但注意初生同太細嘅BB唔適宜用含酒精嘅消毒用品。而爸爸媽媽亦應做足衛生防疫措施,常洗手保持雙手整潔,未洗手前千祈唔好掂BB面仔同口罩呀!

當然如非必要,初生BB盡量都唔好外出,如要返健康院檢查黃疸或接種疫苗,或者可以考慮改去私家診所,預約人流較少嘅時段,減少輪候時間同避免去人多聚集嘅地方,媽媽就唔使咁擔心啦!

show less

Facebook Comments