一文睇晒:轉季敏感濕疹護理攻略

一文睇晒:轉季敏感濕疹護理攻略

轉季濕疹係好多媽媽都關心嘅BB 皮膚問題,呢排溫差大,又乾燥,對BB幼嫩嘅皮膚都係極大嘅考驗。
Biolane MaMa嘅BB都係乾燥、濕疹肌,好易敏感同周身痕,但因為有適當嘅護理,依家BB好返好多喇~以下一套BB敏感濕疹護理攻略,希望都幫到大家啦~

閱讀全文

濕疹係唔會傳染嘅皮膚病,係皮膚發炎反應嘅統稱,多生長喺面頰、唇邊、手腕、肘彎、小腹皺褶、膝背等地方。
濕疹症狀:
• 皮膚痕癢
• 皮膚乾燥、紅腫、有水泡
• 水泡破裂,皮膚有出水現象
• 結痂,脫屑
• 患處皮膚變紅,變厚,變粗,皮膚上紋理十分明顯
• 患處受細菌感染而發炎
• 其他敏感情況,例如鼻敏感,哮喘濕疹並無一個特定嘅成因,但一般患濕疹嘅BB皮膚會對某類物質比較敏感,皮膚因為要對抗呢啲物質,因而引發濕疹。
• 內在因素:如遺傳、過敏體質、病毒或細菌感染等。
• 外在因素:對特定成分或材質過敏,如日常使用器具物品、貼身衣物、食物、化學燃料燃燒所產生嘅氣體,甚至係陽光、溫度、濕度變化等。如當天氣轉涼,濕度下降,BB 皮膚會出現乾燥、脫皮、痕癢等,若處理不當,好可能會演變為濕疹呢!

以下方法有助預防、舒緩濕疹:

• 秋冬天氣會轉涼,都千祈唔好用過熱嘅水幫BB沖涼,水溫以37℃-38℃左右最好,因為如果BB皮膚接觸熱水愈耐,愈易流失自然油脂保護膜,令皮膚鎖水能力降低,就好容易出現乾燥痕癢問題,甚至引發濕疹。
• BB沖涼時間最多10分鐘,媽媽可選用無需過水、沖涼洗頭兩用嘅沐浴/洗髮啫喱,方便之餘又可縮短沖涼時間,避免BB皮膚變乾燥,尤其無香料、含有椰子油及葵花籽油成份嘅沐浴露,都可增加皮膚鎖水功能,避免水份流失,適合乾燥、濕疹膚質BB使用。• 秋冬由於天氣較為乾燥,好多時搽完cream無幾耐,BB皮膚又開始紅同痕,就要增加搽保濕膏次數,keep住皮膚滋潤。但如果BB仲係好乾燥好痕,甚至出濕疹,可用抗敏保濕膏混合杏仁油一齊搽,就可以深層滋潤肌膚。而喺容易乾燥嘅位置,好似手肘、手掌、小腿同膝背,吹風後易爆拆嘅面頰,可以搽比較滋潤嘅冷霜乳液,含蜂蠟、甜杏仁油成份,更有舒緩、修復嘅作用,咁就唔再痕啦!
• 把握沐浴後嘅黃金5分鐘,馬上為BB搽保濕膏,保濕鎖水效果會更好。不過保濕膏薄薄搽一層就已足夠,搽得過厚反而會引致毛囊閉塞及暗瘡。
• 因為皮膚嘅紋路係橫向嘅,所以搽保濕膏時要順著皮膚紋路,打橫薄薄哋咁搽就最易吸收喇!
• 同BB出街,亦可攜帶輕便裝保濕膏,以便不時補搽,就更有效改善乾燥情況,預防及舒緩濕疹。
• 要緊記由於濕疹有復發嘅機會,就算有好轉或治好,都要繼續做好皮膚護理,適當塗搽保濕膏,以確保皮膚有足夠水份,減低濕疹復發機會。

• 秋冬BB穿著保暖衣物如羊毛衣時,都唔好直接同皮膚接觸,而應以棉質衣物相隔,爸爸媽媽抱BB時亦注意唔好穿著羊毛或粗纖維嘅衣物,以防BB過敏而誘發濕疹。
• BB面仔、手仔幼嫩肌膚暴露喺乾燥空氣中,加上冷風吹,水份易被抽乾,面仔變紅卜卜,手仔粗糙爆裂。同BB出街時,媽媽可為BB車加上擋風罩,或幫BB著帶帽外套同戴棉手套等都可以為BB做好保護,就唔駛怕乾燥爆拆,同濕疹爆發啦!
• 清洗BB衣物時,應跟大人嘅分開,並選用無香料,色素等刺激成份、BB專用嘅有機洗衣液,降低衣物上殘餘洗衣液嘅致敏風險,就可以照顧BB幼嫩肌膚免受額外刺激。

• BB受濕疹困擾,但唔識用語言表達,只會喊同不斷抓痕,媽媽可能會好煩躁,但因為情緒會影響BB濕疹,間接左右濕疹發作,媽媽應先處理自己情緒,積極咁同子女面對。BB保持心情平靜,對改善濕疹都有幫助。
• 當BB濕疹發作、煩躁不安嘅時候,媽媽可以試下用天然杏仁油為子女按摩,促進親子關係之外,亦可滋潤肌膚,減輕痕癢感。
• 媽媽身邊嘅親戚朋友好多時會給予獨門秘方或心得,希望幫助BB濕疹康復,但偏方未必完全正確,或未必適合自己子女,所以切忌胡亂相信偏方,如用金銀花母乳治濕疹等,反而會延誤治療時機,或引致皮膚敏感,令濕疹惡化。

以上都係我幫BB護理肌膚嘅小小心得,同事BB試過都幾work,痕癢、濕疹問題都有改善,希望可以幫到大家啦~媽媽要多加注意子女皮膚嘅細微變化,幫BB護理濕疹肌膚更要有耐性同恆心,如果濕疹問題嚴重,就應該盡早求醫,接受適合嘅治療喇!

show less

Facebook Comments