Biolane MaMa分享:BB凍親哽親撞親點算好?

Biolane MaMa分享:BB凍親哽親撞親點算好?

同好多新手媽媽一樣,Biolane Ma Ma都係由零開始學習湊B,咩都唔識,開頭見到初生BB好似豆腐咁脆弱,樣樣都要好小心,仲會時刻check住佢有無呼吸,又成日「幻聽」以為BB喊緊…咩都驚一餐!
好彩有屋企人幫忙,加上睇咗好多育兒資訊,又累積咗啲經驗,我由手忙腳亂嘅騰雞媽媽,慢慢變成淡定媽媽喇~每次見到BB既笑容、睇到佢健康成長同進步,我都好安慰!
就喺呢度分享下我Biolane MaMa嘅騰雞日記,睇下BB撞親哽親凍親嘅處理方法,希望都幫到大家啦!

閱讀全文

BB凍親 成日流鼻水😢 on 01 Sep 2018 

「好小事啫!使唔使咁緊張呀?」
雖然BB傷風有鼻塞係好平常嘅事,但對新手媽媽嚟講就係大件事!
BB大汗,一唔小心畀冷氣吹到就「攝親」,成日流鼻水同鼻塞,但初生BB唔識得擤鼻水,我就會好擔心BB會抖唔到氣而窒息 XD
好彩有媽媽介紹我用Biolane生理鹽水幫BB洗鼻,清潔鼻腔黏著嘅污垢、分泌物同病菌;BB有時鼻敏感、鼻塞、鼻水倒流,都可以舒緩到,對預防感冒好有幫助。我就最鐘意佢獨立支裝夠衛生,帶出街細細支好方便用。同埋我都會用吸鼻器幫BB清理鼻涕,雖然BB好抗拒用吸鼻器,不停掙扎狂喊,但為咗BB呼吸暢順啲,都要狠心繼續吸,但其實好心痛呢!
依家就嚟轉季,都要加倍小心BB 「攝親」凍親,聽健康院姑娘講用2合1沐浴洗髮啫喱,可以溫和清潔BB頭髮同肌膚,而且免過水,對仍然需要手抱沖涼嘅初生BB,用起嚟亦更方便,仲唔怕沖涼時間過長,令BB皮膚痕癢乾燥,亦唔會咁易凍親喇!


為食BB哽親  嚇親媽媽😵 on 04 March 2019 

BB 6個月大,啱啱試行BLW (Baby led weaning),睇書話BLW可以鼓勵BB自己去抓任何食物咬、吸、舔,對BB咀嚼力、手眼協調同學習獨立飲食都好有幫助。
BB最鍾意用手仔揸住香蕉,煮熟嘅紅蘿蔔、西蘭花食,但佢太為食同心急,食香蕉時哽親,仲面色大變,呼吸唔到,真係嚇死媽媽喇!
好彩我之前有睇定啲家居意外急救Video,話BB哽親、面紅有呼吸困難,可以畀BB面向下趴喺大腿上,用一啲力拍背,好彩BB最後都吐返舊蕉出嚟。今次有驚無險,下次我真係要睇實啲BB同注意食物嘅大細喇!


BB撞親額頭 好似壽星公🙈  on 04Sep 2019

BB 1歲喇,周圍爬來爬去冇時停,而且開始學行,成日跌跌撞撞瘀到一撻撻。
前幾日佢入房唔睇路,撞埋咗去門框,撞瘀咗個額頭好似壽星公咁,心痛死媽媽喇!雖然我驚到手都震埋,但都好冷靜咁幫BB敷冰,佢就喊到癲咗,瘋狂掙扎。
敷完冰消咗腫,但就仲好瘀呀!之後我用咗歐洲家喻戶曉嘅山金車消腫去瘀凝膠,輕輕按摩去瘀,又真係幾使得喎!真係好過碌雞蛋,最重係唔使痛到BB大叫大喊,每日搽2-3次,過幾日已經可以消腫去瘀,依家BB又回復平時咁活潑,搞搞震,我就鬆一口氣喇!

show less

Facebook Comments