Biolane MaMa 分享:雨天同BB喺屋企玩嘅小遊戲!🌈

Biolane MaMa 分享:雨天同BB喺屋企玩嘅小遊戲!🌈

呢排成日都落雨,無得帶BB出街放電,相信好多媽媽都會覺得又悶又煩,留喺屋企,又唔想出動到電子奶咀,就焗住諗啲嘢同阿B玩,於是我參考網上介紹嘅一啲好玩嘅小遊戲,同阿B喺屋企亦一樣可以消耗精力,仲係一個親子相處嘅好機會呢!
就喺呢度同大家分享下我Biolane MaMa嘅雨天日記啦:

閱讀全文

相片來源:KidsPlay、sheknows

紙箱避雨小屋  on 04May 2019

阿B 好鍾意出街,一歲開始日日起身就捉住我講:去街街、去街街,仲會自己拎鞋仔坐門口等去街 ,真係好攪笑!
今日落雨無得去街街,吽喺屋企,我同阿B都好悶呀!>.<
我用咗網購送貨嘅大紙皮箱DIY避雨小屋畀阿B玩,其實整法都好簡單:將紙箱上下底拆開,用顏色膠紙將邊緣固定,再喺紙箱上畫門窗之後Cut開,之後貼畫紙同花紙裝飾,再黐上紙皮做成屋頂、門把,裡面可以加上軟墊、靠枕。最後我就畀阿B發揮創意,喺紙皮箱裡面用蠟筆塗鴉、貼貼紙,一齊裝飾成一個避雨小天地。
用唔要嘅紙皮箱DIY,慳錢又環保;唔玩時可輕易摺疊,收納喺床底或梳化後面就得,夠慳位方便!
之後無論外面大風大雨,只要一個紙皮屋,就可以畀阿B喺裡面自娛、睇圖書,媽媽我就可以安心煮飯煲劇喇!


相片來源:The imagination tree

晴天窗貼  on 18 May2019

今日又黃雨喇!落大雨呀又行雷閃電,出面灰暗暗咁,無限電力嘅阿B開始周圍搞搞震,扭到天昏地暗,係都要黐住我,覺又唔瞓,真係激氣呀!
天氣唔好,人都忟憎啲,一於將灰沉嘅窗景變成畫紙,加啲色彩啦!除咗可以用可水洗、玻璃窗專用嘅畫筆塗鴉之外,我仲用咗彩色玻璃紙同阿B玩拼貼:
將彩色玻璃紙剪成長方形、圓形、三角形,仲有彩虹、太陽、雲朵.. 等唔同形狀,以膠水拼貼喺透明膠片上,再用膠紙固定喺窗就得喇~
過程中可以教阿B學顏色、形狀,訓練手仔小肌肉,一舉兩得!
同阿B開心玩咗一個下午,發現佢唔扭計都幾可愛(雖然8成時間都係扭),以後都要好好珍惜同阿B一齊創作嘅DIY美好時光^^


開心泡泡浴  on 26 May 2019

今日原本Plan咗同阿B去愉景灣沙灘玩水水,消消暑,落雨無得去,真係好掃興!
我靈機一觸:天氣咁悶熱,就不如就畀阿B喺浴缸玩下泡泡浴啦~
我唧咗幾下Biolane支泡泡沐浴露入浴盆水,估唔到泡泡好多好豐富,再加一啲玩具好似膠鴨仔、船仔同阿B玩,阿B一路玩一路拍打泡泡,踢吓踢吓,笑到卡卡聲、好雀躍,我仲趁呢個機會同阿B影咗好多得意浴照添!
之後我仲用埋支BB專用嘅杏仁按摩油幫阿B按摩咗一陣,阿B玩完開心又瞓得舒服, 真係屋企都可以有baby spa咁嘆嘅享受呀~

show less

 

 

 

 

Facebook Comments