Biolane MaMa 分享產後修身攻略

Biolane MaMa 分享產後修身攻略

Biolane MaMa生小朋友前後都非常水腫,產後無間斷換片、餵奶、照顧BB,都無時間去理自己,但坐完月要復工,真係接受唔到自己變成肥師奶呀!
我就同大家分享以下喺Busy日常中極速修身嘅心得,唔使節食、瘋狂運動,更唔使花費幾萬去纖體中心做機,30日幫大家成為至Fit Working Mom:

閱讀全文

餵人奶、唔節食
Biolane MaMa身邊嘅母乳媽媽都特別快瘦落嚟,咁係因為餵母乳會令身體新陳代謝加快,幫助極速去水腫。
雖然有人話坐月期係修身黃金時間,但有啲媽媽急住修身,刻意節食減肥,咁會令身體難以復原,母乳媽媽更會因為缺乏營養而上奶不足。
我就覺得坐月其實係調理期,調理得好,身體新陳代謝正常,自然更易修身。所以我坐月時都注重飲食均衡,以清淡魚、菜及雞等為主,多補充蛋白質、鈣質,適量進補,少食肥膩、高糖份、澱粉食物。咁就可以維持母乳質量,亦唔會令自己增磅。
另外一個重點係「少食多餐」,因為媽媽產後身體嘅消化系統仲未恢復,腸胃消化速度會比較慢,少食多餐(每日分5-6餐) 可以幫助消化同吸收,保持充足營養,更避免因為一次食過量造成熱量囤積。

躺著修身減壓
一般順產媽媽可於產後5-7日、而開刀媽媽可於產後2星期開始做輕量運動,做腰腹運動就要視乎傷口癒口情況。雖然呢段時間媽媽可能忙到無一刻停到落嚟,但都要趁BB瞓覺,抽15至20分鐘時間舒展下,幫子宮復原、增加血液循環,減少腹部、pat pat、大腿脂肪同水腫,仲可以畀自已抖一抖,減下壓:

乳房運動:仰臥,兩手打開伸直,慢慢上舉至兩掌合併,再慢慢回復原位,重複5至10次,可使乳房恢復彈性,預防鬆弛下垂,也可使乳腺更暢通。

臀部運動: 仰臥,右腳屈曲,膝蓋貼近腹部,緩緩將腳伸直放下,左右腳交替,重複5至10次,可以恢復臀部同大腿彈性。

腰腹運動 :仰臥,將雙膝屈起緊貼,收緊腹部,腰部壓平貼着牀,然後慢慢轉動腰部;使右膝嘅外側盡量靠貼牀,返回中間休息,重複向左邊轉動。

坐月期間媽媽亦都可以推BB車或揹住BB喺屋企附近散步1個鐘當運動 ,呼吸下新鮮空氣,不過要做好保暖,包實頭同腳,小心唔好入風。
其實Biolane MaMa覺得運動,最好係由孕前開始,好似瑜伽可以幫助順產、維持身形之外,而且身體練到有少少肌肉,孕期、產後即使運動量唔多,身體肌肉都可以幫助燃燒脂肪,令新陳代謝加快,更大大幫助減磅啦~

沖完涼搽妊娠護理油+肚紋膏
唔少產後媽媽因為懷孕時皮膚過度擴張、荷爾蒙變化,加上密密餵母乳,令肚皮、乳房出現鬆弛同妊娠紋。
要收復撐開嘅肚皮同容易下垂嘅乳房,我會喺坐月期用Biolane妊娠護理油防妊娠紋乳霜 2支雙管齊下,因為含有機摩洛哥堅果油同多種脂肪酸,用嚟按摩下肚皮、乳房、pat pat、大腿內側、手臂,可以令血液循環順暢啲,肌膚就易啲回復產前彈性緊緻。我坐月期間keep住用,減淡咗啲妊娠紋,再配合紮肚修腰,肚皮就唔再鬆弛。記住喺沖完涼搽,更加易吸收!

利用以上方法,經過持續嘅努力,Biolane MaMa終於慢慢搵番條腰,回復孕前差唔多嘅磅數喇!不過大家都知道因為每個人體質都唔同,修身唔好過急,最緊要量力而為,尤其係生完BB條腰比較弱,做運動時小心整親呀!
各位靚媽,記得為自己定下唔同階段嘅修身目標,同埋保持健康心態,持之以恆,Biolane MaMa祝大家修身成功,完美復工!

show less

Facebook Comments