Biolane MaMa 分享:4個轉季買衫仔慳錢心得

Biolane MaMa 分享:4個轉季買衫仔慳錢心得

呢排呢排轉季,Biolane MaMa 要為屋企2個小寶貝添置新用品,衫仔都要換季,都幾多花費架!
知道好多媽媽要同BB買衫轉季,但又想慳啲,Biolane MaMa就同大家分享一啲選購BB衫心得,令 BB著得舒服,仲慳錢唔浪費!

閱讀全文

衫仔毋須提早買太多 
有時上網Shopping,見到靚BB衫真係好難忍手,不過BB 3歲前真係大得好快,所以媽媽最好係因應BB成長速度同當時季節天氣所需購買衫仔,千祈唔好預先買太多備用衣物;大肚媽媽買定幾件寬鬆嘅夾衣、和尚袍同包被呢啲基本衣物就夠,唔好咁快買定一大堆可愛BB衫,好快唔啱著就嘥晒喇~

買大一個碼
BB衫仔預大少少,衣身最好闊吋半至兩吋,如果衫仔大咗就摺下袖,就可以著多一季,而一般3個月BB開始識轉身同成日郁黎郁去,鬆少少可以方便BB郁~
不過注意衣物袖口要緊,最好有收口設計,可以保暖唔怕BB凍親。Biolane MaMa仲會趁季尾或者新年大減價時,買定BB下年size嘅衫,通常有3-4折,慳返好多架。

買BB 衫唔好貪靚
唔少爹地媽咪都鍾意買款式特別嘅BB造型衫仔,扮公主、扮恐龍、扮兔仔…但Biolane MaMa 就覺得可免則免,因為呢啲衫仔嘅質料多數係尼龍、化學纖維,唔透氣,吸水力差,花邊同細小裝飾亦易刺激皮膚,BB著得唔舒服,更可能會引起濕疹呢啲過敏反應。呢啲造型衫仔只會著1、2次,平時好少著,所以想慳錢就唔好買喇~
另外都要注意唔好買太鮮豔,或者太白嘅衫仔,因為當中可能含有有害染料、重金屬同螢光增白劑等,令BB皮膚敏感痕癢;BB自理能力較低,好容易整污糟衣物,白色衣物就比較難清洗同唔襟著。

BB衫仔質料最緊要柔軟舒服,最好係吸水又透氣嘅棉質,設計以簡單為主,Biolane MaMa 就鍾意買前面開口同「啪鈕」設計嘅上衣,方便幫BB更換,又唔會整到頸仔。

唔一定要買全新
Biolane MaMa屋企兩兄妹除咗幾件新衫,其他都係著二手衫,慳錢又環保!
比起新衫,原來哥哥姐姐或者親朋好友BB著過嘅衫仔,對BB皮膚更好!咁係因為衫仔經過多次清洗變得柔軟,舒適度反而會比新衫好。加上洗左幾次,可以大大洗走衫仔物料含有嘅化學劑、製作過程殘留嘅有毒物質。

想BB衫仔襟著啲?Biolane MaMa同大家分享下洗衫貼士吖!新衫、親友轉贈嘅舊衫,或者轉季衣物,BB穿著前我都會先洗一次,避免肌膚受化學物、致敏源刺激。春天濕氣重、無洗乾淨更會令塵蟎滋生,所以我會用零刺激、含有機植物抗菌成份嘅嬰幼兒專用洗衣液,同大人衣物分開洗,加上曬曬太陽消毒,BB就唔會咁易敏感,衫仔更潔淨如新同襟著,留畀第二胎或者送畀朋友都可以啦~

show less

Facebook Comments