Biolane MaMa 分享同小朋友畫畫心得

Biolane MaMa 分享同小朋友畫畫心得

Biolane MaMa 係working mom,星期一至五都忙返工,真正同小朋友相處嘅時間就只有周末兩日,有時攰得滯唔想出街,就會喺屋企同小朋友畫畫,放圖畫紙同顏色畀小朋友用手或者工具任意發揮,有時亦會陪伴小朋友講故仔畫畫, 唔使好花錢,但都係我哋開心嘅親子時間。

聽過有媽媽話小朋友坐唔定,叫佢畫畫5分鐘唔夠就走去其他地方玩,好無耐性,最近我陪小朋友玩水彩,簡單又好玩,小朋友都好有興趣!不如我分享下同小朋友畫畫啲心得,大家可以參考下:

閱讀全文

剛開始學畫畫,爹地/媽咪要全程陪同
千祈唔好以為丟一張紙、一支筆就可以令小朋友安靜塗鴉,其實小朋友最期待係媽媽陪伴共同參與,媽媽可以示範顏料、工具用法,同鼓勵小朋友自己做,媽媽喺旁邊協助;畫完後,媽媽可以問問小朋友畫啲咩,聆聽小朋友嘅想像同表現讚賞。

呢個陪伴過程好重要,等小朋友慢慢上手,媽媽就可以放手畀小朋友自由發揮,喺無壓力情況下畀佢哋摸索、創作。

運用想像力,創作繪本圖畫
我屋企4歲嘅哥哥與2歲多嘅妹妹,最鐘意聽我講故仔,呢排我試過用一本得意,或者小朋友最鍾意嘅繪本故仔書,同小朋友一齊睇,然後收埋本書,引導小朋友畫出想像中嘅角色人物,同延伸創作故仔。估唔到小朋友嘅畫作都好有想像力,而且會好開心咁講自己創作嘅故仔添!

我屋企小朋友用蠟筆創作嘅作品,都畫得好生動架!

唔同階段嘅小朋友,發揮唔同創意
媽媽盡可能使用唔同嘅工具同小朋友畫畫,例如蠟筆、彩色筆、水彩。對年紀較小、1歲以下嘅小朋友,可能只可以手捏住蠟筆亂畫,到小朋友2歲到,就可以開始掌握用彩色筆、水彩,練習小朋友小肌肉,滿足小朋友對液體同顏色嘅好奇同探索。

不過如果小朋友每次都只係畫圖畫,畫多幾次就會開始覺得悶喇!呢個時候,就可以開始做一啲變化,例如可以運用廢紙同天然物料創作拼貼畫,令圖畫更豐富 ; 又或者用手掌、腳掌加顏料玩下messy play,小朋友直接用手觸碰水彩嘅觸感,比起用畫筆畫,有更大嘅觸覺刺激,有助多元感官發展。

唔好怕污糟
媽媽要為小朋友準備自由創作嘅空間,可以喺牆上貼上大張嘅圖畫紙、鋪上地墊,準備圍裙/舊衫/更換衣物,做好「就算整污糟都無所謂」嘅心理準備,不過小朋友難免會將蠟筆、水彩塗到手仔、面仔同衫褲周圍都係,所以除咗注意挑選擦得甩,洗得甩嘅安全蠟筆/水彩 ,我亦會用Biolane天然潔淨成分、零刺激嘅抗敏潤膚濕紙巾抗敏溫和洗衣液輕鬆清潔乾淨,仲唔怕小朋友皮膚敏感。最後我都會請小朋友跟住一齊清洗水彩工具,令小朋友都有負責任收拾嘅好習慣。

一張白紙、幾枝畫筆,都可以同小朋友享受一整個下午嘅親子開心時光!所以就算幾忙,Biolane MaMa 都會抽時間陪小朋友畫畫,畀小朋友發揮想像力, 培養藝術感, 同訓練小肌肉,真係有好多好處!
小朋友嘅作品我都會留為成長嘅紀念,各位爹地媽咪,你哋小朋友都畫咗啲好得意嘅畫? 一齊喺留言分享下吖!

 

 

 

 

 

show less

Facebook Comments