Biolane MaMa籌備BB展

Biolane MaMa籌備BB展

好多媽媽PM問我哋今次BB展有咩禮品送, Biolane MaMa希望今次BB展為大家帶嚟驚喜,所以精挑細選咗一份媽媽同小朋友都一定鍾意嘅禮物-《奇幻小鎮大發現》:無字繪本視覺思考學習套組(全三冊)!

閱讀全文

由陀BB開始,我已經買定好多圖書,準備產後每晚同BB講故仔,培養閱讀興趣。因為每個階段嘅小朋友都需要睇唔同嘅書,所以我每季都會行下書店,睇下有咩書啱同小朋友瞓覺前story time, 有次發現呢套「奇幻小鎮大發現」,0-9歲都啱睇,仲好啱各位忙碌嘅爹地媽咪同BB講故仔。

我自己係Working mom,都明白媽媽放工好攰,但又會想爭取時間同小朋友一齊講故仔,享受親子quality time,有呢套由著名波蘭夫妻作者創作嘅無字繪本就輕鬆得多!因為內頁無任何文字叙述同對話,所以可以隨意創作,媽媽唔使準備、用一本書就可以多角度講到超過100個故仔,而小朋友亦可以發揮想像力做小作家!

一套三本嘅純圖像繪本,分別係《龍的時代》、《現代世界》、《西元3000年》描述從古到今以及到未來嘅小鎮事件,裡面有數之不盡嘅人物,小朋友可以跟住故事人物,展開無限冒險!

圖畫細緻又新奇有趣,可以畀小朋友了解唔同時代嘅生活情景,加強認知能力。媽媽可以引導小朋友先觀察圖畫細節、再探索思考、發揮聯想,進而組織,最後完成一個故事。小朋友亦可以同媽媽共讀,增進表達、溝通能力。

貼心附上0-9歲分齡導讀手冊,令媽媽更易掌握用一套繪本,幫唔同年齡小朋友做延伸學習活動。

精美硬紙書設計,適合BB重複翻閱,好襟睇~

身邊好多媽媽都話小朋友無咩專注力,迫不得己要用手機、平板電腦嚟安撫佢哋嘅情緒。但電子產品會令小朋友習慣被動接收資訊,缺乏主動思考、探索同想像力。而呢套《奇幻小鎮大發現》適合親子共讀、亦非常適合小朋友自行探索、學習講故仔,從中可以培養認知能力、故事力、看圖能力、溝通力、想像力、探索力,仲可以透過講故事嘅互動,促進親子關係添!

Biolane MaMa兩個小朋友每次睇呢套書都好開心,之前我個細女比怕醜,但透過圖像繪本可以引導佢講多啲嘢,大膽表達,小朋友喺專注力、想像力同表達能力都有好大進步。相信爹地媽咪都希望小朋友會鍾意閱讀,唔想佢哋成日接觸「電子奶咀」,不如就從今日開始,同BB多啲講故仔,從細開始培養閱讀嘅興趣啦!

今次BB展Biolane就精選呢套《奇幻小鎮大發現》做贈品,希望同各位爹地媽咪分享。喺BB 展或者網上BB展買滿$990即送《奇幻小鎮大發現》一套3冊,仲送 Biolane 輕便裝護理產品,方便去旅行或者帶出街,總值$652,Biolane MaMa 覺得真係超值,希望大家都會鍾意吖~


網上BB展與展會優惠同步

Biolane網上BB
日期:2月19日至25日

2019BB春季購物節暨兒童成長教育展」
地點:香港會議展覽中心Hall3B-E
Biolane 展位:G06-07, G20-21
日期及時間:2月22-23日10am-9pm / 2月24日 10am-7:30pm

show less

Facebook Comments