Biolane Ma Ma BB展攻略

Biolane Ma Ma BB展攻略

自從加入Biolane 團隊同有咗BB之後,Biolane Ma Ma幾乎年年都會去BB展,知道好多精打細算嘅大肚媽媽或者新手媽媽都會想入場掃貨、拎贈品,或者睇下有咩啱買畀BB用。
唔想迫又買到心水產品?想拎到最多嘅優惠?等我分享啲個人心得比大家啦~

閱讀全文

✅入場日子時間

• 知道好多媽媽都係Working Mom,可能都要周末放假先去到BB展,而根據我去BB展嘅多年經驗,BB展最少人係開場至1點,人流會比較少,大肚媽媽,或者推住BB車去買嘢就唔使咁吃力,唔怕人迫人 。

• Lunch 時間開始多人,唔想迫,就避免唔好lunch時間去喇~

• 最好係頭兩日、開館前去會場門外排隊等候,除咗人流少,仲因為好多換購品、贈品都係限量嘅,遲咗去,贈品好多時會派晒,所以當然早到早著數啦~

✅入場準備

• 唔想花時間排隊買入場券,可以到春季BB展網上購票平台買定入場券同「博覽優惠券」書仔,喺會場出入口出示電子郵件就可以進入會場,而博覽購物優惠券可於入口或會場內詢問處憑券換領。

• 行裝要輕便,如果諗住掃貨或買得多嘢就拖架車仔或者行李喼,搵定2-3人陪同到BB展,方便拎嘢同分頭排隊,同如非必要就唔好帶BB或者小朋友到場喇,因為現場太多人好易整親佢哋~

• 會場買嘢食同飲料會比較貴,所以最好帶備小食同樽裝水,如果行到攰、又口渴,都可以補充體力;有時掃完貨或者排隊拎贈品覺得攰,都可以去睇下大會準備嘅表演同講座,順便休息下。

•  媽媽可以睇以下展場地圖,mark底你想行嘅地方,搵定洗手間、母乳餵哺室同食嘢位置 ,就更輕鬆方便啦~

✅入貨準備

• 為免喺現場睇到花多眼亂,媽媽最好鎖定入貨目標,留意心儀產品嘅參展商 Facebook專頁 ,睇定有咩必買嘅優惠產品; 如果係新手媽媽,就可以事前諗定有咩類型嘅嘢需要買同格定價,簡單寫低Checklist,BB展舉行前幾日荷花網會公佈BB展嘅平面圖,圖裡面會有齊所有參展商位置同名稱,媽媽可以規劃一下行程,到時就唔使手忙腳亂啦~

• 準備定現金、八達通,因為現場好多展位都唔收信用卡,要搵地方襟錢都好麻煩。

• 贈品/換購品方面,喺場內購買$20嘅「博覽優惠券」書仔內有大量Coupon優惠,但建議媽媽唔好只為拎贈品而浪費太多時間排隊,因為其實好多時送嘅贈品未必有用,尤其大肚媽媽體力有限,最好睇定有咩係自己需要或想試嘅產品,撕晒有用嘅Coupon 出嚟,然後排好展位次序,方便一次過去拎贈品; Like&Follow定參展商嘅Facebook,節省即場再用電話Like嘅時間。

今次Biolane都有參加嘅春季BB展,展位係G06-07, G20-21! 個展位大咗寬敞咗,大家買嘢就更加方便舒服喇!我哋知道好多媽媽都想了解多啲Biolane產品用法同試下質地,所以今次有產品展示同試用區,仲有Biolane大使幫大家解答關於產品用法同BB肌膚問題,幫你揾到最啱你BB用嘅產品。期待到時同各位媽媽見面呀!

不過Biolane Ma Ma 最後都想提提大家,去BB展最緊要舒服同安全,尤其係大肚媽媽,或者係要返工同忙於照顧BB,唔想同人迫/拎咁多重嘢, 可以留意好多品牌都會喺網上商店同步做BB展優惠,如果唔想迫人或者唔方便去會場,網購就更輕鬆方便啦!

 Biolane 網上BB展就喺2月19日率先開始,優惠與展會同步架!

🛒祝大家 Happy Shopping!

「2019年BB春季購物節暨兒童成長教育展」
Biolane BB展地點:香港會議展覽中心Hall3B-E展位G06-07, G20-21
日期及時間:2月22-23日10am-9pm / 2月24日 10am-7:30pm

show less

Facebook Comments