Biolane MaMa 推介玩具回收機構

Biolane MaMa 推介玩具回收機構

就到新年,Biolane MaMa知道大家都會特別忙,忙於辦年貨、忙於執拾屋企。執執下,就會發現小朋友玩具愈積愈多,已經無位擺。BB大個咗,好多玩具唔啱玩;親朋戚友送贈玩具,有啲玩過一兩次,或者根本未開封,扔咗去真係好可惜,咁點算好?

我就會將依啲仲可以再玩嘅玩具送去回收機構,轉贈或交換,唔駛浪費,仲可以畀仔女學到分享、惜物同環保嘅意義;執拾/分享玩具嘅過程,亦係好好嘅親子時光。以下介紹一啲可以轉贈或交換玩具嘅機構畀大家,有啲仲可以上門回收呢:

閱讀全文

  1. 玩具銀行

(照片來源: 玩具銀行網頁)

香港基督教青年會 (港青) 嘅「玩具銀行」計劃,收集各界捐贈嘅玩具,轉贈予12歲或以下基層家庭小朋友,主要收集益智及有助腦力發展嘅玩具、運動及音樂器材、文具及電子遊戲產品。
*未能回收物品包括:毛公仔、兒童飾物同小型裝飾。
收集點:
– 港青尖沙咀總部
– 港青東涌中心
查詢:2268 7073 / 2988 1246

(詳情 按這裡)


  1. 綠色小腳板

(照片來源: 綠色小腳板網頁)

明愛旗下社會企業「綠色小腳板」,為二手嬰兒用品義買平台,透過回收BB、小朋友用品,翻新後轉賣、捐贈,同時讓年青媽媽(未婚及單親)重新投入工作,重燃生活希望。回收物資包括益智玩具、積木、圖書、煮飯仔、積木及發聲書等。另外亦接收嬰兒大型用具及用品。
*未能回收物品包括:毛公仔、奶樽及奶咀
收集點:可上門回收,或交到13間明愛青少年及社區服務中心代收
預約回收:6500 6982

(詳情 按這裡)


  1. 玩具樂園

(照片來源: 玩具樂園Facebook)

玩具樂園會上門回收玩具,然後轉贈予基層小朋友、兒童院、社區組織等,或作義賣收益支持社企營運。回收物品包括:文具、玩具、精品、漫畫書、動畫VCD/DVD等
*未能回收物品包括:毛公仔、 單車、書包、書本及5歲以下幼兒玩具
收集點:可上門回收,或交到YoofHex共享辦公室。
查詢: 91918526

(詳情 按這裡)


    4.再生玩具店

(照片來源: 再生玩具店Facebook)

註冊社工創辦嘅社企再生玩具店,致力回收、改造、製造玩具,亦鼓勵任何人都可以「漂玩具」,定期走進唔同嘅社區擺地攤,用以物易物嘅方式,畀小朋友用自己一件玩具換取另一件玩具,盡量減少購買新玩具,達到環保嘅理念。*未能回收物品包括:已開封毛公仔,或大型電子玩具
收集點:「區區換玩具」定期於各社區舉行,而回收玩具則可送到新蒲崗辦公室,或不定期設置嘅街站。
查詢: Facebook inbox 「再生玩具店」專頁

(詳情 按這裡)


Biolane MaMa每次回收/交換前都會清潔玩具,確保衛生。好似塑膠玩具我會噴少少Biolane抗菌清潔液去除污垢,然後用清水沖洗乾淨。呢支清潔液我覺得可以推介畀大家-好易過水,唔會滑潺潺,除咗天然潔淨配方係有機認證之外,更可以被生物分解,對人體無害,亦唔會對環境造成損害。而且噴霧設計,平時用嚟洗奶樽、餐具都好方便。

小朋友長大得好快,每個階段都需要唔同嘅玩具,所以我好支持回收、分享玩具,唔駛浪費,亦會提醒小朋友要愛惜玩具,好好留畀下一手玩具主人。迎接新一年,新開始,坐言起行,一齊支持啦~

show less

Facebook Comments