保濕膏混合杏仁油,急救乾燥濕疹肌!

保濕膏混合杏仁油,急救乾燥濕疹肌!

呢排時凍時熱,最低十幾度,有時又升到有廿幾度,溫差好大,對BB幼嫩嘅皮膚都係極大嘅考驗。

有同事就話自己6 個月大嘅BB面仔、小腿皮膚都紅卜卜、出粒粒又鞋鞋哋,不停咁搲痕,仲搲到損晒流血,因為半夜要照顧BB,令自己返工都無精神。
其實我嘅BB柔妹都係乾燥、濕疹肌,好易敏感同周身痕,但依家好返好多喇~以下分享下我幫BB護膚嘅小秘訣,希望都幫到大家啦~

閱讀全文

• 冬天我幫BB沖涼、抹面後,同開暖爐前都會搽抗敏保濕膏,為皮膚補水,舒緩乾、痕同泛紅問題。同BB出街,亦會攜帶輕便裝保濕膏,以便不時補搽。因為皮膚嘅紋路係橫向嘅,所以搽保濕膏時要順著皮膚紋路,打橫薄薄哋咁搽就最易吸收喇!

• 好多時搽完cream無幾耐,BB皮膚又開始紅同痕,就要增加搽保濕膏次數,keep住皮膚滋潤。但如果BB仲係好乾燥好痕,甚至出濕疹,我就會出絕招-用抗敏保濕膏混合杏仁油一齊搽,就可以深層滋潤肌膚,尤其係容易乾燥嘅位置,好似手肘、手掌、小腿同膝背,以及吹風後易爆拆嘅面頰,都有舒緩、修復嘅作用,咁就唔再痕啦!

📌用法:
1.準備抗敏保濕膏(面及全身)同杏仁油
2.喺保濕膏上噴1下杏仁油(唔駛太多,以免太立)
3.混合保濕膏同杏仁油,搽於BB特別乾燥嘅位置。

• BB皮膚又薄又幼嫩,所以好易受溫度、濕度影響而敏感,出粒粒同泛紅,所以無論沖涼、清潔同護膚產品,我都會幫BB轉晒用抗敏嘅,避免受香料刺激,愈搽愈痕,我仲會特別選購 Biolane 抗敏系列產品,確保可以預防敏感同保護到BB皮膚。

以上都係我幫BB護理肌膚嘅小小心得,同事BB試過都幾work,痕癢、濕疹問題都有改善,希望可以幫到大家啦~
WKM唔易做,所以我會繼續喺度分享下各種照顧BB嘅經驗同心得、推介一啲好書、好嘢食、好去處,幫大家減輕生活負擔同壓力,有興趣就留意住我哋喇!

show less

Facebook Comments