冬天BB 屁股焗到出尿布疹,點護理?

冬天BB 屁股焗到出尿布疹,點護理?

冬天12月至2月係BB尿布疹高發期,原來就係因為更換尿片次數不足,令BB幼嫩皮膚長時間直接接觸尿液、糞便,皮膚處於濕悶狀態,再加上穿著厚厚嘅褲仔,好易會焗到屁股、股溝及陰部紅卜卜或出現皮疹,一旦皮膚表面破損,更加容易受到細菌或者真菌感染,引發尿布疹。
想知冬天點幫BB預防同舒緩尿布疹,立即睇下講解啦~

閱讀全文

1. 勤換片及徹底清潔
冬天因為BB排汗量低、尿量比平時更多,而尿液及糞便中所含嘅阿摩尼亞係感染尿布疹嘅元兇,所以雖然天氣凍,但BB每當尿片一濕時就應即時更換,唔好等到全條尿片都滲滿尿時先替換。
最好每次換片時,都用無香料,無酒精成份嘅濕紙巾抹走污垢,防止細菌積聚。最好選用含潤膚保濕成份嘅濕紙巾,有滋潤及保護作用,用完皮膚唔會因為天氣乾燥而敏感。
如果怕幫BB清潔時凍親,可選擇坊間有售嘅濕紙巾保溫加熱器,就可以避免屁股因為接觸冰冷嘅濕紙巾而唔舒服啦~

2. 保持BB屁股乾爽
清潔完屁股後,媽咪不妨將BB放喺軟墊上,先唔好即時包上尿片,可讓BB俯臥畀屁股仔可以透透氣,自然乾透,令皮膚毛孔可以有透氣機會。 如果天氣寒冷,可備用暖爐,室溫最好調校喺攝氏20至24度之間。

3. 用換片膏作保護
每次清潔BB屁股後都要薄薄塗上一層含氧化鋅(Zinc Oxide)成份嘅換片膏,用以阻隔排泄物,加強保護同滋潤;搽喺腰位、片邊位, 可以預防尿片與肌膚磨擦而引起嘅痕癢不適。建議選擇不含香料同色素、容易推開塗抹嘅換片膏,以免BB幼嫩脆弱嘅皮膚敏感,更有效預防尿布疹。

4. 勿穿著過厚褲仔
其實BB新陳代謝較強,體溫比成人為高也比較怕熱,所以喺室內只要穿得舒適就好,唔需要畀BB著羊毛褲或包得緊緊,因為咁樣反而會焗到BB出汗導致熱痱,以及屁股長期處於侷促環境而出現尿布疹等問題~
而初生BB因腰骨發展未夠穩健,加上媽咪需時常替BB換尿片,因此唔建議畀初生BB穿褲仔,而可選擇衣料較厚嘅棉質和尚袍同蝴蝶衫,大風時只需以包被包裹BB保暖就足夠喇~


而家加入媽媽會,我哋就送您總值$100現金券,畀你同BB試下Biolane一系列冬天必備嘅優質護理產品!立即加入︰on.biolane.hk/mmcbp001

show less

Facebook Comments