冬天BB都會出熱痱?

冬天BB都會出熱痱?

BB新陳代謝快,體温調節系統、 散熱能力又未發育成熟,所以好容易出汗,尤其潮濕悶熱嘅夏天,更易因汗多,堵塞汗腺引發炎症而形成熱痱但其實熱痱並非夏天獨有,依家到冬天,唔少BB頸部、手臂、腿部皮膚摺位同背脊都出熱痱,皮膚又紅又痕。
冬天咁乾燥,BB都出熱痱,究竟係咩原因? 有咩護理方法?大家一齊睇下解答啦~

閱讀全文

點解冬天BB都會出熱痱?
• 好多爸媽過於擔心BB 凍親感冒,為BB穿上過多或過厚嘅衣物,即使喺室內,或開着暖氣都仍幫BB著羊毛/發熱內衣,穿厚厚外套,無注意BB已經過熱而流汗。
• BB瞓覺時穿着阻礙排汗嘅發熱衣,或者著得太多衫,除咗令BB瞓得唔安穩,仲會令BB成身汗。加上身體皮膚、衣物同床褥之間無太多空隙畀汗液蒸發,汗水會對皮膚造成刺激,更會導致毛孔受阻塞而發炎,形成熱痱。

點樣預防同舒緩冬天熱痱?
注意BB衣著
• 冬天天冷時,媽咪也切忌幫BB穿著太厚、太多嘅衣服,定時查看BB嘅身體會唔會太熱,可以摸摸BB背脊同頸背皮膚,如果發覺有汗而且好熱,就表示著得太多衫喇,可以暫時脫去發熱衣/外套,避免BB出汗。
• 可採洋蔥式穿法,即係底層透氣,中層保暖、外層防風多層次穿著,依氣溫同BB體溫調整穿衣量。而穿著發熱內衣前先幫BB著一件透氣、通爽嘅純棉內衣打底做阻隔,保持通爽,預防敏感熱痱。
• 注意當BB流汗流到內衣或衫仔濕透時,就要立即換衫;亦都可以喺BB頸位、背脊多汗位置放紗巾隔住皮膚,流汗之後拎走紗巾。

時刻保持肌膚乾爽
• 若發覺BB流汗時,盡快抹乾身上嘅汗水,並用温和嘅清潔液稍為抺拭,避免汗水黏附皮膚上,誘發熱痱。
• BB睡覺時室溫不宜太高,同埋可為BB挑選吸濕速乾嘅枕頭,勤換枕頭套,減少汗水對BB皮膚嘅刺激;及間中幫BB換睡姿,令背部保持乾爽。
• 以性質溫和、具保濕成份嘅沐浴露沖涼可使皮膚汗腺唔會被阻塞,更有助BB調節體溫、預防熱痱。沖涼時特別要注意清潔BB嘅頸部、大腿和手臂等多肉嘅部位及摺位,要確保洗乾淨,先至有效防止BB出熱痱。
• 每次清潔、沐浴後,或者臨瞓前,都要抹乾汗水,喺頸位、手臂、腿部皮膚等摺位輕拍印上液狀爽身粉吸走多餘汗水,更唔怕BB吸入粉末,影響呼吸道健康。只要皮膚夠乾爽,對預防舒緩汗濕引起嘅熱痱、感冒就大有幫助啦!

BB肌膚乾燥,可以用爽身粉液嗎?
可以~BB肌膚乾燥,更應該勤多於面部同全身補搽抗敏保濕膏,鎖住水份,令肌膚保持滋潤。之後再局部於BB出汗位, 如頸項、手臂或腿部等摺位塗上爽身粉液,輕拍印開,令皮膚保持乾爽,但注意使用時避開乾燥/濕疹位置。而若發現BB出熱痱時,切勿再搽潤膚膏於患處,因咁會令汗孔閉塞,令熱痱惡化。

而家加入媽媽會,我哋就送您總值$100現金券,畀你同BB試下Biolane一系列安全優質產品!立即加入on.biolane.hk/mmcbp001

show less

Facebook Comments