BB頭皮又乾又痕,抓到損晒?

BB頭皮又乾又痕,抓到損晒?

冬天天氣變乾燥,BB頭皮又乾又痕,抓到損晒,點算好?
BB頭痕,可能係頭皮太乾燥、有頭泥,又或者用緊嘅洗頭水刺激所致。想知點護理,大家可以睇下以下貼士!

閱讀全文

使用成分滋潤嘅洗髮露
BB有頭痕、頭皮情況,可能代表正在使用嘅洗頭水太刺激,或者頭皮太乾燥。跟大人相比,BB頭皮、頭髮幼嫩得多,媽媽要小心選擇BB洗髮產品、護理頭髮,宜選用ph值平衡、含滋潤保濕成分嘅BB專用洗髮露,每日輕輕清潔頭皮,直至頭髮上及頭皮嘅污垢洗淨,最後以清水徹底沖洗。
尤其喺BB、小朋友出街玩完之後,滿頭大汗,更要注意頭部清潔,以免油脂及塵埃堵塞毛囊,導致頭痕出頭皮。為BB洗髮前,可先用寬齒細梳輕輕咁將頭髮理順,防止頭髮打結,同埋去除頭髮中嘅污垢、頭皮屑,之後用洗髮露清洗就更容易啦!

清走頭泥唔再痕
好多BB出生後2至3星期就有頭泥,因為BB皮膚新陳代謝迅速,死皮出現比脫落快,而且油脂腺較大和分泌較旺盛,令頭皮容易出現油膩皮屑或黃色一片片,呢啲就係頭泥,除咗頭頂,有時仲會生到眼眉、前額、耳仔邊都係。冬天BB皮膚保護屏障會減弱,而且由於油脂分泌增多,通常頭泥情況會更差,更會特別痕癢,BB會抓損皮膚,導致細菌感染。

媽媽可選擇溫和唔刺激嘅嬰兒杏仁油,喺BB洗頭前用棉片/棉花沾上,再塗上頭皮輕輕打圈按摩同敷10-15 分鐘,待頭泥軟化,然後用去頭泥專用嘅洗髮露為BB輕輕打圈洗頭按摩,更有效清除頭泥,亦避免刺激BB頭皮,引起敏感同痕癢。

搽保濕膏保護頭皮
天氣乾燥,每次幫BB洗頭後,可抹乾水分,然後薄薄塗上適量非油性、潤而不立嘅保濕膏滋潤頭皮,增強天然皮脂膜屏障功能,BB頭皮就唔會再乾燥痕癢喇~

而家加入媽媽會,我哋就送您總值$100現金券,畀你同BB試下Biolane優質產品!立即加入︰on.biolane.hk/mmcbp001

 

show less

Facebook Comments