秋冬BB易染手足口病,點做好預防準備?

秋冬BB易染手足口病,點做好預防準備?

踏入秋冬,幼稚園同幼兒中心手足口病爆發嘅個案愈嚟愈多。
雖然手足口病大部分患者病徵輕微,會喺7至10日內自行痊癒,但亦有可能引致嚴重併發症,例如病毒性腦膜炎、腦炎、類小兒麻痺癱瘓等。媽媽當然擔心BB/小朋友染上手足口病,究竟點預防同護理?大家一齊睇下貼士啦~

閱讀全文

手足口病會有咩病徵?
手足口病通常由腸病毒引起,常見於5歲以下BB/小朋友,孕婦同身體免疫力弱人士。
病發初期通常會出現發燒、食慾不振、疲倦同喉嚨痛。發燒後1至2 日,口腔會出現疼痛嘅水疱。手掌、腳掌,甚至Pat Pat或生殖器官亦會出現痕癢,及有時會帶有小水疱嘅紅疹。

點預防同護理?

• 保持清潔衛生
手足口病主要透過接觸患者嘅鼻或喉嚨分泌物、唾液、穿破嘅水疱或糞便,或觸摸受染污嘅物件而傳播。

BB/小朋友喺成長階段,對好多事物都感到好奇,因而會用雙手去探索,更會將手中嘅物件如玩具,或自己嘅手仔放到口中,BB/小朋友腸道抵抗力較低,細菌從食道進入身體,容易感染手足口病。

故媽媽需經常保持BB/小朋友所接觸物件嘅清潔衛生外,亦要注意幫助或教導BB/小朋友經常洗手,建議日常亦可以棉片沾上無酒精、唔刺激皮膚嘅潔膚露濕紙巾,輕拭擦BB/小朋友手仔,保持乾淨,預防因接觸污垢令腸道感染手足口病。另外媽媽幫BB更換尿片後,或處理排泄物、被污染嘅物件後,都應徹底洗淨雙手。

• 清潔、消毒常接觸用品
媽媽要經常清潔、消毒BB/小朋友常接觸嘅表面,如傢俬、玩具同共用物件。為免BB/小朋友將病毒食落肚影響健康,媽媽可用專為BB/小朋友而設嘅清潔液徹底清洗污垢,而有機認證嘅清潔液,過水即淨,唔會殘留化學物於玩具、餐具上,更可確保BB/小朋友安全。

• 及時求醫 留家休息
媽媽要細心觀察BB/小朋友身體情況,如出現持續高燒昏睡、反覆嘔吐、肌肉抽搐或肢體忽然無力等病徵,應立即求醫。為免將病毒傳染畀其他人,患病嘅BB/小朋友應該避免返學或參加集體活動。

 

了解更多:
Biolane洗滌用品
Biolane 清潔及換片產品

 

show less

Facebook Comments