秋冬BB易患鼻敏感,點舒緩?

秋冬BB易患鼻敏感,點舒緩?

近排轉天氣,BB因對外在環境、空氣刺激特別敏感,而且唔適應氣溫轉變,容易鼻敏感,鼻水流個不停。
鼻敏感(又稱過敏性鼻炎),症狀有鼻塞、流鼻水、打噴嚏同眼鼻痕癢等,嚴重嘅BB會因鼻水倒流而咳嗽、呼吸唔暢順而無覺好瞓,通常喺早、晚間或溫度轉變時特別明顯。
其實要預防同舒緩BB鼻敏感,就要注意平時生活習慣,大家睇睇以下貼士啦~

閱讀全文

避開致敏原
誘發鼻敏感嘅主要原因係致敏原,包括花粉、塵埃、毛髮、塵蟎、蟑螂,以及油漆、化學物料、冷空氣等環境因素。
秋冬轉天氣,BB鼻腔乾燥,更容易受到外來物質如灰塵、花粉等刺激鼻腔黏膜引發敏感,所以如有需要可於室內使用放濕機保持空氣濕潤,保持相對濕度在30%以上;或用空氣清新機去過濾塵埃、塵㙢等。
另外可選用防塵蟎嘅枕頭、床褥同被舖,及每隔一星期用熱水洗床單被套,收起或用膠袋套住毛公仔,都可減少塵蟎滋生,減低引起BB鼻敏感嘅機會。

用生理鹽水清理鼻涕
初生BB鼻孔比較細小,如果發現分泌物如鼻垢同鼻涕阻塞BB嘅鼻孔,影響呼吸,都千祈唔好強行清理,以免整傷鼻腔黏膜。
媽媽每日可使用獨立支裝嘅生理鹽水幫BB清潔、濕潤鼻腔,減少乾燥不適,再配合使用吸鼻器,更有效軟化同清除鼻腔黏著嘅污垢同分泌物,將致敏原洗走,舒緩BB呼吸唔暢順、鼻塞同鼻敏感嘅困擾,更安全衛生。

暖敷鼻子
因為腫脹嘅鼻黏膜遇熱後會收縮,可令鼻道暢通,黏稠嘅鼻涕會較容易軟化而流出,有助舒緩鼻塞,所以媽媽可用熱水浸濕毛巾,敷喺BB嘅鼻上,到毛巾凍咗再換熱嘅,重覆輪換幾次。
幫BB暖敷鼻子時,動作要輕柔,亦可慢慢按摩BB嘅鼻子或鼻翼兩邊,更有助舒緩鼻敏感引致嘅不適。

而家加入媽媽會,我哋就送您總值$100現金券,畀你同BB試下Biolane優質產品!立即加入︰on.biolane.hk/mmcbp001

show less

Facebook Comments