小朋友沖涼洗頭有咩要注意?

小朋友沖涼洗頭有咩要注意?

BB大個仔大個女喇!係時候要開始學習自己沖涼洗頭,同轉用兒童專用嘅沐浴及洗髮產品,當中選擇產品,或者畀小朋友自己沖涼都有好多嘢要注意架!
各位媽媽,一齊睇下貼士啦!

閱讀全文

幾時要轉用兒童沐浴洗髮產品?
BB到3歲左右,肌膚發育成熟,活潑好動易出汗,而且頭髮多會較易打結。
媽媽呢個時候就要選用含天然滋潤成份嘅兒童專用沐浴洗髮產品,可以針對護理肌膚同頭皮,保持潔淨衛生,同令頭髮柔順易打理
尤其如果小朋友頭髮多、大汗或者常外出活動,相比用BB沐浴洗髮產品,用兒童專用產品嘅潔淨效果會更好,可避免小朋友出現汗臭、肌膚敏感痕癢問題。

小朋友用大人嘅沐浴露同洗頭水可以嗎?
大人用嘅沐浴露同洗頭水含化學物質會較多,容易刺激小朋友肌膚,或會造成敏感 。而且因為小朋友可能初初學習自己洗頭,成日會將洗頭水濺入眼睛,造成疼痛,而兒童專用洗髮露嘅不澀眼配方,就唔會刺激小朋友眼睛喇~

小朋友幾多歲開始自己沖涼?
有啲媽媽早喺4歲多就放手畀小朋友自己沖涼,但亦有啲等到小朋友7、8歲先開始教導。而其實一般小朋友5歲已經有能力自行沖涼,當然爸爸媽媽需要從旁協助,同有耐性、分階段咁教導小朋友拎花灑淋浴、搽沐浴露同埋洗頭,然後慢慢放手,喺旁邊提示同檢查小朋友係咪沖洗得乾淨。
等小朋友重覆沖涼嘅步驟,一樣動作做幾次,就會更快上手!而如果小朋友做得好,媽媽就要適時給予讚美同鼓勵,咁就會進步得更快!
當然小朋友剛開始學習時可能會較花時間,所以建議夏天開始訓練最好,咁就無咁易凍親啦~

畀小朋友自己沖涼要注意啲咩?
最重要係必須畀小朋友了解安全嘅重要性,過高嘅水溫、濕滑嘅地面都可能造成危險,所以一定要小朋友注意安全。
等小朋友可以獨力完成整個沖涼過程時,媽媽不妨再教導其他細節,例如調較水溫、提醒注意耳背、腋下同敏感部位等係咪清潔乾淨。當小朋友7歲左右,可以自己應付沖涼同洗頭,媽媽就可退到浴室外等待,因為小朋友開始長大,需要自己私人空間喇!

了解更多
Biolane兒童護理產品 

show less

Facebook Comments