冬天BB有頭泥特別痕,點算好?

冬天BB有頭泥特別痕,點算好?

入冬天氣續步轉冷、變乾燥,常出現頭泥嘅初生BB,一到冬天,皮膚保護屏障會減弱,而且由於油脂分泌增多,頭泥情況會更差,更會特別痕癢。
除咗BB頭皮,一啲皮脂腺較多嘅部位如前額、眼眉同耳緣位置都會出頭泥,媽媽幫BB清潔時要特別小心留意喇!

閱讀全文

點解BB會有頭泥?
BB皮膚新陳代謝迅速,死皮出現比脫落快,而且BB油脂腺較大及分泌較旺盛,令頭皮皮膚容易出現微紅、油膩小薄片或黃色鱗屑,呢啲就係頭泥 (學名「脂溢性皮膚炎」)。

頭泥積聚,會有咩問題?
大多數BB嘅頭泥問題會喺6個月後自動改善或消失,但期間會令BB痕癢脫屑,嚴重仲有一陣「酸餿味」。通常冬天天氣乾燥會特別痕,如果唔理會,BB會非常痕癢,可能會抓損皮膚,導致細菌感染。

應該點清理?
BB頭泥又厚又多,難以清理,媽媽可以喺BB洗頭前,用棉片/棉花沾上溫和不刺激嘅嬰兒杏仁油,塗上頭皮輕輕打圈按摩及敷10-15 數分鐘。
待頭泥軟化,再配合用去頭泥專用嘅洗髮露,用打圈方法為BB輕輕洗頭按摩,再用軟毛刷輕力清理黏著髮上嘅頭泥。但必須慎選性質温和、含滋潤保濕成份嘅去頭泥洗髮露,以免刺激BB頭皮,引起敏感和痕癢。
冬天天氣乾燥,每次幫BB洗頭後,記得要抹乾水分,再薄薄塗上適量非油性、潤而不立嘅保濕膏滋潤頭皮。

面仔都有頭泥,點算好?
如果BB面、眼眉同耳側位置都有頭泥,媽媽亦可以用濕水棉花、紗巾或棉花棒沾少許洗髮露,輕力打圈按摩有頭泥位置,待頭泥軟化後,用清水洗淨就可以了。而之後再搽保濕膏,更有助保護肌膚,防止敏感痕癢。

show less

Facebook Comments