秋冬乾燥,BB濕疹又爆發?

秋冬乾燥,BB濕疹又爆發?

濕疹發作與外在環境息息相關,如衣物及食物,甚至係陽光、溫度同濕度變化等,都可能令BB 皮膚過敏而誘發濕疹。尤其轉天氣同氣候乾燥嘅秋冬日子,更加容易令BB濕疹爆發,出現脫屑、出紅疹同痕癢症狀。
想預防和舒緩BB濕疹問題,即刻睇睇以下貼士:

閱讀全文

沖涼勿太熱、太耐
秋冬天氣會轉涼,都千祈唔好用過熱嘅水幫BB沖涼,水溫以37℃-38℃左右最好,因為如果BB皮膚接觸熱水愈耐,愈易流失自然油脂保護膜,令皮膚鎖水能力降低,就好容易出現乾燥痕癢問題,甚至引發濕疹。
BB沖涼時間最多10分鐘,媽媽可選用無需過水、沖涼洗頭兩用嘅沐浴/洗髮油,方便之餘又可縮短沖涼時間,避免BB皮膚變乾燥,尤其含有天然杏仁油、布荔奇果油、椰子油成份嘅沐浴油,都可增加皮膚鎖水功能,避免水份流失,適合乾燥、濕疹膚質BB使用。

用放濕機保持空氣濕潤
室內最理想嘅濕度應該喺30-50%之間,要注意保持室內嘅濕度喺舒適嘅水平,太乾或太濕都會引發濕疹問題。秋冬天氣乾燥時用放濕機保持BB皮膚濕潤,預防出現乾燥、脫皮、痕癢等問題,紓緩濕疹病情。

保濕膏要密密搽
秋冬由於天氣較為乾燥,可以適當增加搽保濕膏次數,保持皮膚滋潤,而BB特別容易乾燥嘅位置,如手肘、手掌同膝背等,以及吹風後易爆拆嘅面頰,則可多搽幾次塗抹不含香料、潤而不立嘅保濕膏。另外,把握沐浴後嘅黃金5分鐘,馬上為BB搽保濕膏,保濕鎖水效果會更好。不過保濕膏薄薄搽一層就已足夠,搽得過厚反而會引致毛囊閉塞及暗瘡。而同BB出街,亦可攜帶輕便裝保濕膏,以便不時補搽,就更有效改善乾燥情況,預防及舒緩濕疹。

注意BB衣著
秋冬BB穿著保暖衣物如羊毛衣時,都唔好直接同皮膚接觸,而應以棉質衣物相隔,爸爸媽媽抱BB時亦注意唔好穿著羊毛或粗纖維嘅衣物,以防BB過敏而誘發濕疹。
BB面仔、手仔幼嫩肌膚暴露喺乾燥空氣中,加上冷風吹,水份易被抽乾,面仔變紅卜卜,手仔粗糙爆裂。同BB出街時,媽媽可為BB車加上擋風罩,或幫BB著帶帽外套同戴棉手套等都可以為BB做好保護,就唔駛怕乾燥爆拆,同濕疹爆發啦!

了解更多:Biolane濕疹肌膚護理產品

 

show less

Facebook Comments